Bərdə Rayon Mərkəzi Xəstəxanasında korrupsiyaya qarşı mübarizə mövzusunda tədbir keçirilib
Bərdə Rayon Mərkəzi Xəstəxanasında korrupsiya, hüquq pozuntuları və rüşvətxorluq hallarının qarşısının alınması mövzusunda maarifləndirici tədbir keçirilib.
Tədbirdə Bərdə Rayon Prokurorluğu Prokurorun böyük köməkçisi, II dərəcəli hüquqşünas Nərgiz Hüseynli, Bərdə Rayon Mərkəzi Xəstəxanasının direktoru Vüsal Məmmədov, müəssisənin müavinləri və tibb personalı iştirak edib.
Tədbir zamanı korrupsiya və rüşvətxorluq hallarının qarşısının alınması, bu istiqamətdə qanunvericiliyin tələbləri, hüquq pozuntularına yol verilməməsi və səhiyyə müəssisələrində şəffaflığın təmin olunmasının vacibliyi barədə ətraflı məlumat verilib.
Çıxışlarda korrupsiya hallarının cəmiyyətə və dövlət qurumlarına yaratdığı mənfi təsirlərdən bəhs olunub, bu kimi halların qarşısının alınmasında hər bir əməkdaşın üzərinə düşən məsuliyyət vurğulanıb.
Tədbir zamanı korrupsiyaya qarşı video-çarx təqdim olunub.
Sonda mövzu ilə bağlı iştirakçıları maraqlandıran suallar cavablandırılıb.
