Bərdə ASAN Xidmət mərkəzinin notariat bölməsindən məmnunluq var
Minnətdarlıq duyğusu ilə…
Bu gün Bərdə ASAN Xidmət Mərkəzində notarius xidməti ilə bağlı müraciətimiz zamanı notarius Bənövşə Mərdan qızı Əlizadənin peşəkarlığına, yüksək mədəniyyətinə və vətəndaşlara göstərdiyi nəzakətli münasibətə bir daha şahid olduq.
Bəzən bir dövlət qulluqçusunun təbəssümü, diqqəti, səbirlə dinləməsi və qanunun tələblərini sadə dillə izah etməsi insanda dövlətə olan inamı daha da artırır. Bənövşə xanım məhz belə xidmət göstərən, tutduğu vəzifənin məsuliyyətini dərindən dərk edən ziyalı dövlət qulluqçularındandır.
Onun fəaliyyəti mənə istər-istəməz uzun illər Bərdə rayonunda notarius kimi çalışmış, peşəkarlığı, prinsipiallığı və insanlara münasibəti ilə hər kəsin hörmətini qazanmış Mərdan müəllimi xatırlatdı. Mərdan müəllim təkcə notarius deyildi, o, öz fəaliyyəti ilə bir peşəkarlıq məktəbi yaratmışdı. Bu gün həmin məktəbin ən gözəl davamçılarından biri kimi Bənövşə xanımı görmək qürurvericidir. O, atasının qazandığı etimadı öz əməli, davranışı və peşəkar fəaliyyəti ilə layiqincə yaşadır.
İnsanlar yaxşı xidməti görərkən bunu dilə gətirməyi də bacarmalıdırlar. Tənqid qədər təşəkkür də cəmiyyət üçün vacibdir. Bu səbəbdən Bənövşə Mərdan qızı Əlizadəyə vətəndaşlara göstərdiyi nümunəvi münasibətə, peşəkarlığına və yüksək etik davranışına görə səmimi minnətdarlığımı bildirir, ona möhkəm cansağlığı, ailə səadəti və məsuliyyətli fəaliyyətində yeni uğurlar arzulayıram.
Belə insanlar dövlət qulluğunun nüfuzunu qoruyan və cəmiyyətdə etimadı gücləndirən əsl ziyalılardır.
Baxar. az saytının baş redaktoru Musa Muradlı
#Asanxidmət
#notariat
