Gürcüstanın Azərbaycana borcu dəyişməyib

Gürcüstanın Azərbaycana borcu dəyişməyib

Bu il iyunun 1-nə Gürcüstanın Azərbaycana olan borcu 6,3 milyon ABŞ dolları təşkil edib.

Bu barədə Gürcüstanın Maliyyə Nazirliyinin hesabatında bildirilir.

Aylıq müqayisədə qonşu ölkənin Azərbaycana borcu dəyişməyib. 

Gürcüstanın ümumi xarici borcu isə təxminən, 6 milyard ABŞ dolları təşkil edib ki, bunun da 5,7 milyard ABŞ dolları hökumətin payına düşür.

Qonşu ölkənin ən çox borcu olduğu ölkələrin ilk üçlüyündə Almaniya (376,4 milyon ABŞ dolları), Fransa (324,6 milyon ABŞ dolları) və Yaponiya (216 milyon ABŞ dolları) yer alıb.

Gürcüstanın qonşu Türkiyə, Rusiya və Ermənistana borcu aylıq müqayisədə dəyişməyərək müvafiq olaraq 12,1 milyon ABŞ dolları, 48,6 milyon ABŞ dolları və 6,8 milyon ABŞ dolları təşkil edir.

 


Bizi Telegramda oxuyun


OXŞAR XƏBƏRLƏR