Erməni deputat:

Erməni deputat: "Müharibənin başlamaması üçün Allaha dua edirik"

"Biz Azərbaycanla genişmiqyaslı müharibənin başlamaması üçün Allaha dua edəcəyik".

 

Baxar.az xəbər verir ki, bunu “Sarukyan” qrupunun üzvü, deputat Naira Zoqrabyan deyib. O, Qarabağ probleminin sülh yolu ilə həllini arzu etdiklərini qeyd edib.

 

"Mən düşünürəm ki, vəziyyətin gərginləşməsinə yol vermək olmaz. Müharibə bizim üçün dağıdıcı olacaq. Hər ölüm bir fəlakətdir. Hər ölüm bizi sülh prosesindən bir addım daha uzaqlaşdırır".

 

Onun sözlərinə görə, hazırkı hakimiyyət danışıqlar prosesini dalana dirəyib. "Onların nə mexanizmi, nə fəaliyyəti, nə də münaqişənin həlli ilə bağlı bir baxışı var. Bu, normal sülh danışıqları prosesinə mane olur. Biz hakimiyyət tərəfindən hər hansı addımın atıldığını görmürük".

 

Erməni deputat deyib ki, hazırda xalqın özü də Dağlıq Qarabağla bağlı hansı siyasətin yürüdüldüyünü anlamır. 


Bizi Telegramda oxuyun


OXŞAR XƏBƏRLƏR